EXPOSICIÓN DE ARTE 'BURELA SEN FRONTEIRAS'

No CEIPP dos Castros sabemos que a arte ten un poder non só educativo senón que forma ás persoas de maneira global; ademáis de ser unha fermosa actividade para traballar xuntos e potenciar a nosa creatividade. 

O noso proxecto precisaba dun espazo especial adicado á arte e o deseño. Por iso organizamos esta exposición de arte que chamamos igual que o noso PDI 'Burela sen fronteiras' para mostrar algúns dos traballos feitos polo noso alumnado ao redor de obras artísticas de pintores procedentes dos países estudados durante este curso escolar. 

Algunhas aulas ampliaron a actividade e traballaron diversos artistas e realizaron varias obras, outras aulas centráronse no estudo dun artista concreto. 

Nesta exposición mostramos un traballo escollido por cada aula do noso cole, 18 obras artísticas en total.

Cada unha das obras artísticas realizouse seguindo a mesma técnica (collage) para unificar o traballo do centro. Na exposición acompañamos cada traballo cunha placa  feita coa cortadora láser de Polos Creativos onde, a través dun código QR, se podía acceder á obra orixinal e información sobre o/a artista.
 

Esta mostra artística realizouse na sala de exposicións da Casa da Cultura de Burela do 18 ao 29 de maio e estivo aberta ao público en horario de mañá e tarde.

EXPOSICIÓN 'BURELA SEN FRONTEIRAS' PARTE 2

 Abrimos a segunda parte da exposición dos nosos traballos relacionados co noso PDI 'BURELA SEN FRONTEIRAS' os últimos días de maio. Estes traballos mostráronse máis tarde debido á falta de espazo para poder ubicalos todos xuntos. 

Nesta segunda mostra as aulas baixaron aqueles produtos feitos de tarefas e investigacións relacionadas con : Perú, España e Ghana. Algúns traballos continuaron dende a exposición anterior pois algunhas aulas decidiron traballar dous países de maneira simultánea e facer traballo conxunto para a exposición.

A exposición estivo formada por traballos feitos por alumnado de todo o cole e dende diferentes materias e/ou áreas de coñecemento. Esta exposición puido disfrutala todo o alumnado en horario de mañá e as familias e comunidade educativa en horario de tarde de 15:30 a 17:30.

EXPOSICIÓN BURELA SEN FRONTEIRAS. PARTE 1

 Abrimos unha primeira parte dos nosos traballiños relacionados co noso PDI 'BURELA SEN FRONTEIRAS' o día 8 de abril. Máis tarde abriríamos de novo a exposición para poder mostrar traballos que quedaron pendentes por falta de espazo.

Nesta primeira mostra aberta no mes de abril as aulas baixaron aqueles produtos feitos de tarefas e investigacións relacionadas con: Cabo Verde, Indonesia e Polonia.

A exposición estivo formada por traballos feitos por alumnado de todo o cole e dende diferentes materias e/ou áreas de coñecemento. Esta exposición puido disfrutala todo o alumnado en horario de mañá e as familias e comunidade educativa en horario de tarde de 15:30 a 17:30, dende o 8 ao 22 de abril.