Desde o noso cole queremos felicitarvos dun xeito especial!

FELICES FESTAS

RECOMENDACIÓNS LECTORAS NADAL 👌

Hoxe traémosvos oas recomendacións lectoras de Nadal, esperemos que vos gusten e que gocedes moito da lectura! Recordade pedir axuda ás vosas familias se as necesitades. Moito ánimo e Felices Festas.

Preme na imaxe e encontra o teu libro:

RECOMENDACIÓNS LECTORAS DE VERÁN

 RECOMENDACIÓNS LECTORAS PARA O VERÁN 😜

Fixéronse esperar mais...aquí están! A gozar do verán e non esquezades...A MAXIA ESTÁ NA LECTURA!!

FACENDO CAMIÑO

 FACENDO CAMIÑO NO “VIRXE DO CARME” 

Remata un curso que comezamos en setembro con incertidume e preocupación, mais tamén coas maletas cheas de ilusión e cunha enorme vontade por nos reencontrar de novo nas aulas. Pouco a pouco fomos facendo camiño e semana tras semana fomos resistindo e mantendo a nosa presenza no centro, grazas á colaboración de toda a comunidade escolar, que en todo o momento mantivo unha actitude exemplar e un grande sentido da responsabilidade. 

 

Aínda que neste curso a educación musical estivo profundamente condicionada polas medidas anti-COVID, a nova normalidade evidenciou a importancia da música como elemento motivador e dinamizador da vida escolar. Por este motivo queremos compartir con todos e todas esta versión de Fago o camiño,  tema que podedes atopar no libro-disco O Veleiro Verde de Maria Fumaça. 

 

Pensamos que esta canción transmite a ilusión e o entusiasmo co que vivimos a volta ás aulas e a necesidade de saír de novo aos patios e ás rúas para xogar á bola, á billarda, á chave, ao trompo ou coller as bicis para “facer camiño”.

 

Moitas grazas e agardamos que vos guste. Vémonos o próximo curso para seguirmos facendo camiño!

 

Revista escolar

Bo día! Xa temos con nós a Revista escolar Nordés 2021. Non vola perdades!

 LETRAS GALEGAS 2021

Boas rapaces e rapazas. Traémosvos uns vídeos moi divertidos reivindicando o bo emprego da nosa lingua para conmemorar as Letras Galegas neste 2021. Dígocho eu!

Premede nas imaxes e a aprender divertíndonos!

Educación Infantil

1º e 2º E.P.

3º e 4º E.P.

5º e 6º E.P.

Isto non é todo. Traemos unha canción feita polos profes de música, Roberto e Ana co alumnado de 4º, 5º e 6º. Gozádea porque é única.

ENTROIDO

 ENTROIDO 2021

Este ano, no noso cole decidimos festexar o Entroido como todos os anos, pero este curso máis que nunca, coa situación que estamos a vivir, necesitábamos celebralo. Todo o alumnado necesitaba ter un día distinto, fóra da rutina onde poder vivir e gozar da maxia do Entroido, sempre cumprindo as medidas pola Covid-19 que xa implementamos durante todo o curso. Así que os mestres e mestras deste cole puxémonos a traballar para devolver unha miguiña de ilusión neste Entroido tan atípico.

Deixámosvos por aquí unhas cantas fotos para que vexades a ilusión nos olliños dos nosos nenos e nenas este día e a implicación de todo o profesorado do noso centro.

ENTROIDO

Ola amiguiños e amiguiñas! Que tal estades? Xa está chegando o Entroido e o Meco ven con moitas peticións para facer de cara á próxima semana. Estades preparados? Deixámosvos todos os mandatos do Meco. 

Ímolo pasar xenial!

Que viva o Entroido!!!