ENCONTROS PLAMBE 2016/17 EN SANTIAGO. VÍDEO-RESUMO

Vídeo-resume dos Encontros do Plan de mellora de bibliotecas escolares 2016/2017, celebrados os días 16 e 17 de marzo de 2017 no Palacio de Congresos de Santiago de Compostela. Asistiron, convocados porla Consellería de Cultura, Educación e O.U., un total de 615 profesores e profesoras, todos eles responsables ou integrantes dos equipos de biblioteca dos seus centros, integrados neste programa da consellería que pretende a renovación e actualización constante das bibliotecas dos centros non universitarios e que beneficia ao 66% do alumnado dos centros públicos galegos.

ENCONTROS PLAMBE

Os días 27 e 28 de marzo, tiveron lugar no Pazo de Congresos de Santiago os Encontros dos centros escolares do Plan de mellora de bibliotecas escolares. 

Onte, día 28,  que foi cando nos correspondeu ir a nós, houbo ao longo de todo o día  conferencias impartidas por distintas persoas especialistas en distintos campos do saber. Todas foron moi interesantes e de todas aprendemos.

Tamén había exposicións de traballos dalgúns centros. Así aprendemos como se traballa noutros colexios.

Foi unha experiencia moi enriquecedora.

Algúns dos relatores foron os seguintes:

JORGE MIRA PÉREZ

Licenciado e doutor europeo en Física, catedrático de electromagnetismo e director do departamento de física aplicada da USC., director da colección de divulgación científica da editorial da USC.,responsable do programa ConCiencia de divulgación científica.

Falounos de "A emoción do descubrimento ciéntifico: unha ponte cara ao hábito lector reflexivo."

Algunhas frases que nos dixo onte:

"A primeira biblioteca que un neno ve, é a escolar"

"Na biblioteca do noso centro,un neno/a pode atopar o mesmo que pode atopar un que viva nun barrio moi rico e elitista."

"O esforzo é necesario para chegar á meta"

"A biblioteca pode conseguir unha atención distinta á da aula"

"Todos poden ir á biblioteca. Cada un terá un tema que lle interese e pode alí atopar".

"Para a lectura ciéntifica, cómpre un esforzo maior"

"Hai que facer preguntas que podan interesar aos alumnos e os leven a buscar información: lectura."

"A clave é conseguir que a curiosidade pique ata tal punto que xenere a actitude lectora"

NORBERTO BLANCO DORRÍO

Mestre no CEIP  Nosa Señora de Xuvencos (Boborás) 

 Falounos de "Biblioteca escolar e integración da actividade docente para o desenvolvemento do proxecto educativo de centro"

Algunhas frases que nos dixo:

"É fundamental que un membro do equipo directivo forme parte do equipo da biblioteca"

"É imprescindible que o Plan da biblioteca estea tamén no Plan Abalar, no de Convivencia, no de Dinamización..."

"A biblioteca escolar ten qiue estar integrada no currículo."

"É interesante facer una compilación dos recursos da biblioteca para o resto do profesorado do centro"

AURORA RAMILO (mestra no CEIP de Leirado (Salvaterra de Miño)

Falounos de "Achegámonos á olería. Proxecto documental e traballo colaborativo"

 Presentounos un proxecto feito no seu centro a partires da olería: entrevistas a distintos oleiros da zona, traballo con barro, coñecemento das utilidades deste material...

  

Agora tivemos unha pausa para xantar, e despois unha profesora dun centro de Ferrol resolveu dúbidas en torno ao programa Meiga.

Por último clausurou os actos ANTONIO RODRÍGUEZ DE LAS HERAS, (director do Instituto de cultura e tecnoloxía da Universidade Carlos III de Madrid)

Falou sobre"O lugar da biblioteca na sociedade tecnolóxica". A súa charla centrose na reflexión sobre a sociedade que se está formando por causa da tecnoloxía e nos cambios culturais e educativos que isto trae.

VIDEO SOBRE AS XORNADAS PLAMBE

Velaquí un vídeo resume dos Encontros do Plan de mellora de Bibliotecas Escolares 2010/2011, que tiveron lugar en Santiago de Compostela os pasados 7 e 8 de abril, coa asistencia dos responsables das 374 bibliotecas integradas no presente curso neste programa da Consellería de Educación.

ENCONTROS PLAMBE EN SANTIAGO

A xuntanza de coordinadores de bibliotecas escolares que tivo lugar en Santiago  o pasado venres día 8, foi moi positiva polo intercambio de experiencias, polas aportacións dos ponentes, polo bo ambiente entre os asistentes e, sobre todo, foi un placer escoitar a

D. Xosé Neira Vilas, que fixo unha lembranza da súa nenez, da emigración, da súa vida... destacando as súas experiencias como lector-escritor e facéndonos recordar a figura de Balbino, protagonista de "Memorias dun neno labrego", do que se está a celebrar os cincoenta anos da súa publicación.

   

XORNADAS EN SANTIAGO DE COMPOSTELA

Mañá, venres día 8, no Pazo de Congresos de Santiago de Compostela terá lugar os Encontros do Plan de Mellora de Bibliotecas Escolares, nos que participaremos os responsables das 374 bibliotecas integradas neste programa.

Este Plan iniciouse en 2005 e nós participamos desde 2010.

Nesta xuntanza falarase de lectura, poesía, banda deseñada... e compartiremos experiencias con outros centros para mellorar a competencia lectora.

Pódense seguir as sesións plenarias en directo a través da páxina da Asesoría de bibliotecas escolares de Galicia.