venres, 21 de maio de 2021

 LETRAS GALEGAS 2021

Boas rapaces e rapazas. Traémosvos uns vídeos moi divertidos reivindicando o bo emprego da nosa lingua para conmemorar as Letras Galegas neste 2021. Dígocho eu!

Premede nas imaxes e a aprender divertíndonos!


Educación Infantil


1º e 2º E.P.


3º e 4º E.P.


5º e 6º E.P.

Isto non é todo. Traemos unha canción feita polos profes de música, Roberto e Ana co alumnado de 4º, 5º e 6º. Gozádea porque é única.



domingo, 21 de febreiro de 2021

ENTROIDO

 ENTROIDO 2021

Este ano, no noso cole decidimos festexar o Entroido como todos os anos, pero este curso máis que nunca, coa situación que estamos a vivir, necesitábamos celebralo. Todo o alumnado necesitaba ter un día distinto, fóra da rutina onde poder vivir e gozar da maxia do Entroido, sempre cumprindo as medidas pola Covid-19 que xa implementamos durante todo o curso. Así que os mestres e mestras deste cole puxémonos a traballar para devolver unha miguiña de ilusión neste Entroido tan atípico.



Deixámosvos por aquí unhas cantas fotos para que vexades a ilusión nos olliños dos nosos nenos e nenas este día e a implicación de todo o profesorado do noso centro.








xoves, 4 de febreiro de 2021

ENTROIDO

Ola amiguiños e amiguiñas! Que tal estades? Xa está chegando o Entroido e o Meco ven con moitas peticións para facer de cara á próxima semana. Estades preparados? Deixámosvos todos os mandatos do Meco. 

Ímolo pasar xenial!

Que viva o Entroido!!!










luns, 21 de decembro de 2020

RECOMENDACIÓNS LECTORAS DE NADAL

 RECOMENDACIÓNS LECTORAS DE NADAL

Bo día! Hoxe traémosvos oas recomendacións lectoras de Nadal en forma de xogo, cada nivel terá unha misión que cumprir. Non dubidedes en pedir axuda ás vosas familias se as necesitades. Moito ánimo, esperemos que vos gusten e que gocedes moito da lectura!

Facede clic na imaxe e comezará a maxia!



domingo, 1 de novembro de 2020

SAMAÍN!!!

SAMAÍN

Ola raparigos e raparigas hoxe celebramos o Samaín no cole e traémosvos uns contos marabillosos e terroríficos feitos polos vosos profes e as vosas profes. Esperamos que vos guste. Facede clic nas imaxes e non paseden moito medo...





As bruxas contraatacan

Agardade porque nos próximos días volverá aparecer a bruxa que se levou a Carmiña dos Castros coa sua cómplice Maruxa. Que pasaría con Carmiña?? Pronto o descubriremos.


venres, 23 de outubro de 2020

ABRIMOS AS NOSAS PORTAS

APERTURA DA BIBLIOTECA

HOXE ABRIMOS A NOSA BONITA BIBLIOTECA. DEIXÁMOSVOS UNHAS IMAXES E UN VÍDEO PARA QUE ADMIREDES O TRABALLO QUE FIXO CARMIÑA PARA DECORAR A BIBLIOTECA E CONVERTILA NUN LUGAR MÁIS MÁXICO.













Deixámosvos o Conto de Carmiña relatado pola porfe Ana, titora de 1ºA de EP que inaugura a biblioteca este curso escolar.



O SECUESTRO DA TARTARUGA CARMIÑA

Ola raparigos e raparigas!!! Canto tempo sen vervos. Espero que esteades todos ben. Hoxe veño a pedirvos axuda...escoitei unha risa moi malévola e temo que veña a por min... por favor, se algo me pasa, axudádeme, sei que sodes moi bos e moi boas e faredes o posible para que eu estea ben. 

Quérovos moito

Carmiña :)



-------------------------------