A HISTORIA VISITA O NOSO COLE.

 Os días 7 e 14 de marzo tivemos o privilexio de recibir as visitas de Aurelia Balseiro García e Herminia Pernas Oroza. Aurelia é a directora do Museo Provincial de Lugo, doutorada en Arqueoloxía e licenciada en Historia da Arte na especialidade de Museoloxía pola USC. Herminia é doutora en Historia e profesora de Xeografía e Historia no IES Monte Castelo de Burela, ademáis da cronista oficial da nosa vila.

Durante o primeiro venres e en dúas quendas, compartiron cos niveis de primeiro a cuarto de Primaria os seus amplos coñecementos sobre a cultura castrexa, dende a súa pegada na nosa historia, especialmente na de Burela, o que se sabe sobre como era o día a día deses castrexos e castrexas, a que se adicaban, que útiles empregaban, como eran as súas vivendas e un longo etcétera. 

O venres 14 de marzo foron as quendas de Infantil e terceiro ciclo. 

Como sorpresa tivemos nas nosas mans unha réplica real da gran xoia que é o Torque de Burela.

Desfrutamos moito da compaña de Aurelia e Herminia e aprendimos moitísimo, que fortuna foi telas no noso cole! Xa sabemos por que toda a xente nos coñece popularmente como 'o cole dos Castros', e é que estamos practicamente enriba dun!

Ps: Saímos na prensa! Prensa visitas Aurelia e Herminia

CLUBS DE LECTURA

 Os clubs de lectura principais deste segundo trimestre foron os celebrados ao redor dunha novela de Ledicia Costas titulada 'Conexión macarrón' e outra novela de Lois Pérez titulada 'A tribo do mar'. 

Ambos clubes se celebraron na biblioteca do centro aproveitando uns minutiños do tempo de lecer xunto coa hora de ler os martes e os mércores.

A experiencia foi fantástica nos dous clubes.  A novela de Ledicia Costas provocou moitas risas e falamos moito de: macarróns, utensilios de cociña, extraterrestres, amizades... e ata diseñamos un paraugas perfecto que gustase a tódolos nenos e nenas.

A novela de Lois levounos a falar de experiencias moi duras, de inmigración, das novelas epistolares e corais, do abuso, a crueldade, a esperanza, as dificultades e tamén a frivolidade. Pero como o personaxe que máis nos chegou ao corazón foi Alexandra pois iso deunos pé a falar moito de fútbol sala e das guerreiras laranxas da nosa vila, Burela. Aprendimos moitísimo dunha parte de África, do arquipélago de Cabo Verde, da ansiedade, os nervios e a autoesixencia. Sen dubida foi unha novela á que non foi doado chegar pero que deixou unha pegada importante en nos.

ANTROIDO

 Os Castrexos vivían en tribos. E nos preguntámonos se habería máis tribos por aí polo mundo. Atopamos moitas e tamén civilizacións das que nos falaron algúns compañeiros nosos; pois aquí non todos temos antergos castrexos e iso ábrenos ventás a aprender moitas cousiñas doutros mundos.

Pois así foi o noso Antroido este curso, un desfile espectacular no que recordamos como nos vestiamos cando eramos castrexos e tamén como son outras tribos e pobos.

ROSALÍA

 Recordar a figura de Rosalía de Castro é un acontecemento obrigado dentro da programación escolar, pola importancia da súa figura e dos seus escritos.

O noso cole participou xunto co CEIPP Vista Alegre de Burela e a Escola Municipal de Música nunha sentida homenaxe celebrada na Casa da Cultura de Burela na que se leron e musicaron varios dos seus poemas.💕

O noso cole participa nunha homenaxe a Rosalía de Castro.

Mais no noso cole quixemos homenaxeala de novo xuntando a todo o alumnado para a ocasión do día da nosa gran poeta. Aquí tedes a nosa xuntanza musical.

Pero as celebracións do día de Rosalía aínda se extenderon máis coa organización dun obradoiro de cociña! Así que nos puxemos mans á obra para cociñar uns doces moi moi especiais. Como Bonitiño andaba atento, Carmiña soubo seguir ben os seus consellos e decidiu empregar fariña de castaña. Parece ser que os castrexos empregaban fariña de landra pero ante a imposibilidade de conseguila decidimos que a de castaña sería unha boa substitución pois é nutritiva, deliciosa e tamén procede dunha árbore que leva séculos na nosa contorna. 

A profe Elena, de 6ºB obsequionos cunha receita mellorada e o seu alumnado traballou con moito agarimo a masa e os poemas de Rosalía. Cada paquetiño levaba versos de Rosalía e un laciño coas cores máis representativas da nosa comunidade. Estaban boísimas!

Galletas Poéticas

DIA DA PAZ 2025

Celebrando o Día da Paz.

Para celebrar o Dia da Paza decidimos xuntarnos todo o alumnado e profesorado do cole para cantar, bailar e compartir tempo xuntos. Porque hai cousas que só son grandes se as facemos xuntos.

DIA DA PAZ 2025

OS CASTROS, UN NOME MISTERIOSO.

    As vacacións das nosas queridas mascotas non estaban a sair moi ben. Sen saber o que aconteceu finalmente, o noso alumnado falou e debatiu largo e tendido dos acontecementos que ocorreran nestas vacacións. 

    Tódalas aulas do cole analizaron os problemas que xurdían entre elas e propuxeron solucións a cada unha das dificultades de convivencia e problemas que xurdiran entre os tres amigos. Serían tan listas as nosas mascotas coma o noso alumnado? Pronto o saberemos.

   

AS VACACIÓNS QUE NON ESTABAN SAÍNDO COMO SE ESPERABA. CARMIÑA, BONITIÑO ...

OS CASTROS, UN NOME MISTERIOSO.

    Burela, a nosa vila, é ben fermosa. Nesta segunda parte do relato das vacacións das nosas mascotas podedes ver as súas primeiras decisións e os primeiros pasos desta interesante viaxe na que non deixaron de aprender.

    Os tres amigos percorreron a costa de Burela e outros barrios da nosa vila para que Clink coñecese moi ben o seu novo fogar. 

    Xa saben os tres moi ben onde se ubica o Castro de Burela, visitaron o Castro de Fazouro e decidiron continuar ata Viladonga, non sen antes parar en Mondoñedo. 

    Mais non todo estaba a sair segundo o planeado... e comezaron os problemas. E ti, como resolverías isto?

    

AS AVENTURAS DE CARMIÑA, BONITIÑO E CLINK

 No CEIPP Virxe do Carme estamos a traballar este curso escolar nun proxecto documental integrado que leva por título "Os Castros, un nome misterioso". Este proxecto está deseñado para coñecer o noso entorno máis próximo, a nosa historia e o lugar que habitamos. A motivación principal para partir dun momento histórico concreto foi a propia nomenclatura do noso centro, ao que popularmente na vila se lle coñece como "o cole dos Castros". De este modo decidimos mergullarnos na cultura castrexa. O noso alumnado leva estudando acerca deste periodo histórico varios meses e o noso cole vístese de cultura castrexa en cada aula.

E como comezamos? Pois á maneira na que o fan as grandes aventuras, cunha VIAXE.

A nosa mascota da biblio Carmiña, xunto cos seus amigos Bonitiño e Clink, alugaron unha autocaravana e comezaron a escribir un capítulo novo da historia do noso colexio. Aquí o podedes ver: