DIA DA PAZ 2025

OS CASTROS, UN NOME MISTERIOSO.

    As vacacións das nosas queridas mascotas non estaban a sair moi ben. Sen saber o que aconteceu finalmente, o noso alumnado falou e debatiu largo e tendido dos acontecementos que ocorreran nestas vacacións. 

    Tódalas aulas do cole analizaron os problemas que xurdían entre elas e propuxeron solucións a cada unha das dificultades de convivencia e problemas que xurdiran entre os tres amigos. Serían tan listas as nosas mascotas coma o noso alumnado? Pronto o saberemos.

   

AS VACACIÓNS QUE NON ESTABAN SAÍNDO COMO SE ESPERABA. CARMIÑA, BONITIÑO ...

OS CASTROS, UN NOME MISTERIOSO.

    Burela, a nosa vila, é ben fermosa. Nesta segunda parte do relato das vacacións das nosas mascotas podedes ver as súas primeiras decisións e os primeiros pasos desta interesante viaxe na que non deixaron de aprender.

    Os tres amigos percorreron a costa de Burela e outros barrios da nosa vila para que Clink coñecese moi ben o seu novo fogar. 

    Xa saben os tres moi ben onde se ubica o Castro de Burela, visitaron o Castro de Fazouro e decidiron continuar ata Viladonga, non sen antes parar en Mondoñedo. 

    Mais non todo estaba a sair segundo o planeado... e comezaron os problemas. E ti, como resolverías isto?

    

AS AVENTURAS DE CARMIÑA, BONITIÑO E CLINK

 No CEIPP Virxe do Carme estamos a traballar este curso escolar nun proxecto documental integrado que leva por título "Os Castros, un nome misterioso". Este proxecto está deseñado para coñecer o noso entorno máis próximo, a nosa historia e o lugar que habitamos. A motivación principal para partir dun momento histórico concreto foi a propia nomenclatura do noso centro, ao que popularmente na vila se lle coñece como "o cole dos Castros". De este modo decidimos mergullarnos na cultura castrexa. O noso alumnado leva estudando acerca deste periodo histórico varios meses e o noso cole vístese de cultura castrexa en cada aula.

E como comezamos? Pois á maneira na que o fan as grandes aventuras, cunha VIAXE.

A nosa mascota da biblio Carmiña, xunto cos seus amigos Bonitiño e Clink, alugaron unha autocaravana e comezaron a escribir un capítulo novo da historia do noso colexio. Aquí o podedes ver:

RECOMENDACIÓNS LECTORAS PARA AS VACACIÓNS DE NADAL.

 Aquí tedes unhas recomendacións lectoras elaboradas por Carmiña e o profesorado do cole para que disfrutedes moito da lectura.

Premede nos links para acceder a velas ou a través do código QR.

RECOMENDACIÓNS DE NADAL

RECOMENDACIÓNS BIBLIOTECA

FORMACIÓN DE USUARIOS.

 Na biblioteca da tartaruga fixemos, durante varias xornadas, sesións de formación de usuarios.

Achegáronse á biblio as aulas de segundo, terceiro e quinto. O alumnado coñeceu a biblioteca dende outro punto de vista e aprendeu moito sobre o seu funcionamento. 

Sen dúbida, foron unhas xornadas moi interesantes. 

Aquí vos deixamos unha mostra.

As nosas celebracións.

 A Carmiña gústalle andar moi atenta a aquelas celebracións que son importantes para o alumnado. Por iso prepara os expositores con frecuencia para que cando visitedes a biblio poidades atopar con facilidade as temáticas que están máis de actualidade neses momentos. Aquí tedes unha pequena mostra dos expositores arranxados para Halloween e Samaín así como para o mes da ciencia en galego.

Thanksgiving Day!

 A biblio, coa axuda da profe Teresa, preparou unha pequena exposición arredor da celebración de Thanksgiving Day! Unha festa da que aprendimos moito da man de Haley Janoski, a nosa auxiliar de conversa durante este curso.

Xornada de bibliotecas escolares de Galicia.

 O noso cole asistiu ás xornadas de bibliotecas escolares o pasado día 9 de novembro. Unha xornada intensa e interesante ao redor da palabra, dos libros e as bibliotecas.