Ola a todos:

Por fín, abrimos a Biblioteca,aproveitando que  o 24 de outubro é o día das Bibliotecas Escolares.

A nosa mascota,Carmiña  recibiu ós  alumnos;  primeiro ós  de Educación Infantil e despois ós de Primaria. Contoulles algo da súa vida desde que chegou ó colexio e explicoulles as normas e uso da biblioteca. Entregou novos carnets e explicoulles onde  podían atopar os seus libros preferidos.

Empezamos o curso con moitas sorpresas;unha delas foi o novo espacio que imos chamar bibliolab,  para consultar as nosas dúbidas e aprender de forma divertida con moitos  xogos educativos .

Entregamos mochilas a todo o alumnado de Infantil e Primaria.

Como somos un colexio plurilingüe, aproveitamos tódolos momentos para coñecer outras linguas.

Na foto estamos escoitando unha fermosa historia que nos contou a nosa auxiliar de conversa de inglés.