Cada noite Erea espertaba cun chii-chi-chiiiii, o renxer característico
da bicicleta do seu veciño e saltaba da cama para velo saír. A ela non
lle sorprendía nin que a bicicleta fose daquelas antigas que tiñan unha
roda grande diante, e outra pequena detrás. Tampouco lle sorprendía o
nome do seu veciño: Rubicundo. Nin lle parecía raro que todas as noites
subise na súa bicicleta e comezase a viaxe enriba da árbore do seu
xardín, ata perderse de vista. A Erea o que si lle parecía estraño era a
súa indumentaria, un gabán e un sombreiro de copa negros, e debaixo un
traxe da cor do acibeche. Erea era así, fixábase nos detalles máis
sinxelos.
NENA E O MAR. Érica Esmorís.Ed.Xerais
Porto Balea é unha vila mariñeira na que todos os seus anciáns
habitantes perderon a esperanza. Só Otto, o último home novo da vila,
segue a saír ao mar a diario mentres deixa a Nena, a súa filla e orfa de
nai, ao coidado dos habitantes da vila acantilada. Mais un día Otto non
regresa, tras naufragar nos dominios da Illa das Sereas. Dende entón,
Nena loitará contra a desidia e cansazo dos seus vellos habitantes e con
toda a forza de vontade, o empeño e a valentía que lle collen no seu
corpo miúdo, emprenderá nun bote pequeno unha aventura temeraria e
fantástica para rescatar ao seu pai.
OS SABUXOS DIVÍRTENSE NO
MUSEO PROHIBIDO
Jaureguizar. Ed. Xerais.
Nica é unha «detectivesa» que se dedica a resolver misterios no seu
barrio coa axuda dos seus amigos, Os Sabuxos. O barrio no que vive é un
barrio calquera, dunha cidade calquera, onde nunca pasa nada. Vaia, case
nunca. Porque un día Nica atopa un lugar secreto cheo de aparellos
estraños e marabillosos para facer maxia. Os catro sabuxos xogan e
divírtense alí ata que descobren que quedaron atrapados dentro dun sitio
que ninguén coñece: o Museo Prohibido.
Ningún comentario:
Publicar un comentario