EXPOSICIÓN DE ARTE 'BURELA SEN FRONTEIRAS'

No CEIPP dos Castros sabemos que a arte ten un poder non só educativo senón que forma ás persoas de maneira global; ademáis de ser unha fermosa actividade para traballar xuntos e potenciar a nosa creatividade. 

O noso proxecto precisaba dun espazo especial adicado á arte e o deseño. Por iso organizamos esta exposición de arte que chamamos igual que o noso PDI 'Burela sen fronteiras' para mostrar algúns dos traballos feitos polo noso alumnado ao redor de obras artísticas de pintores procedentes dos países estudados durante este curso escolar. 

Algunhas aulas ampliaron a actividade e traballaron diversos artistas e realizaron varias obras, outras aulas centráronse no estudo dun artista concreto. 

Nesta exposición mostramos un traballo escollido por cada aula do noso cole, 18 obras artísticas en total.

Cada unha das obras artísticas realizouse seguindo a mesma técnica (collage) para unificar o traballo do centro. Na exposición acompañamos cada traballo cunha placa  feita coa cortadora láser de Polos Creativos onde, a través dun código QR, se podía acceder á obra orixinal e información sobre o/a artista.
 

Esta mostra artística realizouse na sala de exposicións da Casa da Cultura de Burela do 18 ao 29 de maio e estivo aberta ao público en horario de mañá e tarde.

AGASALLO A CARMIÑA

E este regaliño? Non vos parece unha preciosidade?

Non vexades como de fachendosa quedou a nosa Carmiña despois de recibir este agasallo de @quenchofixo.

Miles de grazas!

 

XVIII XORNADA CLUBS DE LECTURA

O pasado 29 de abril asistimos á XVIII Xornada de Clubs de lectura. Foi para a nosa biblio a primeira vez nesta Xornada, pois é o noso primeiro curso dentro do programa de Clubs de Lectura. 

Manuel Rivas (Premio dos Clubs de Lectura 2026) abriu esta Xornada onde se compartiron moitas ideas e experiencias arredor dos libros e as lecturas.

 

BEGOÑA CAAMAÑO. LETRAS GALEGAS

 O noso alumnado colaborador de biblio preparou unha exposición para poder coñecer mellor a Begoña Caamaño (escritora á que se adican as Letras Galegas este 2026) e outras autoras/es galegas/os. Foron animando nos recreos ao alumnado a que se achegara a ler algunha cousiña de Begoña e falar dela. Grazas colaborado@s.

FORMACIÓN DE USUARIOS E E-LBE2.

 Este curso escolar a formación de usuarios foi sufrindo aprazamentos debido a que a espera pola nova 'librería' para a biblioteca se ía alongando. Contabamos ter a biblio operativa e colocada dentro do primeiro trimestre e foi por iso polo que decidimos esperar e facer a FORMACIÓN DE USUARIOS xa co novo sistema de colocación e cos espazos reorganizados. Unha vez que tiñamos a tódolos fondos de ficción colocados recibimos a boa nova de que o electricista do Concello podía vir modificar unha parte dos enchufes e das tomas, polo que esperamos a que se fixese esta nova obra e reorganizamos os fondos de consulta. Ao final, a formación de usuarios foi bastante tardía. Pero ás veces non podemos controlar tódolos tempos cando se precisa a axuda de profesionais alleos ao centro. 

A formación de usuarios realizouse para todo o alumnado e o profesorado acompañante. Constou de tres días para cada un dos niveis. O primeiro dos días a formación centrouse nos novos espazos, distribución de fondos, servizos da nosa BE, etc. O segundo día centramos a formación na plataforma E-LBE2. Fixemos novos carnés de biblioteca para todo o alumnado e enviamos unha presentación explicando       E-LBE2., como descargala e como navegar pola mesma para as familias. O terceiro día consistía na realización dunhas pequenas actividades para afianzar o que se lles explicou na biblio o primeiro día da formación; nestas actividades tiñan que colorear, subliñar ou atopar erros que se lles explicaban en algún tello dos mostrados na actividade.

E-LBE2          

   

OBRADOIRO DE MARCAPÁXINAS

 Para continuar as conmemoracións arredor do Día do Libro e para continuar motivando ao noso alumnado para mergullarse no mundo da lectura e na cultura dos países estudados no noso proxecto, decidimos facer un obradoiro de marcapáxinas.

Ofrecimos ao alumnado anotado ao obradoiro carteis con información e exemplos de deseño tradicionais e populares de cada un dos países para que se inspirasen na decoración do marcapáxinas. Os exemplos ofrecidos ían dende deseños tradicionais en teas (para vestir, patróns de refaixo galego, estampados menorquines, tea Kente ghanesa, estampados Caboverdianos, estampado Quechua...), ata azulexo, ovos de pascua, cerámicas, etc.

EXPOSICIÓN 'BURELA SEN FRONTEIRAS' PARTE 2

 Abrimos a segunda parte da exposición dos nosos traballos relacionados co noso PDI 'BURELA SEN FRONTEIRAS' os últimos días de maio. Estes traballos mostráronse máis tarde debido á falta de espazo para poder ubicalos todos xuntos. 

Nesta segunda mostra as aulas baixaron aqueles produtos feitos de tarefas e investigacións relacionadas con : Perú, España e Ghana. Algúns traballos continuaron dende a exposición anterior pois algunhas aulas decidiron traballar dous países de maneira simultánea e facer traballo conxunto para a exposición.

A exposición estivo formada por traballos feitos por alumnado de todo o cole e dende diferentes materias e/ou áreas de coñecemento. Esta exposición puido disfrutala todo o alumnado en horario de mañá e as familias e comunidade educativa en horario de tarde de 15:30 a 17:30.

ACOMPAÑAMENTO LECTOR

 A celebración do ACOMPAÑAMENTO LECTOR  no noso centro celebrouse o 29 de abril xa que a semana anterior o noso alumnado de cuarto de Primaria estaba en plena avaliación diagnóstica. Unha vez pasadas as probas e xa moito máis relaxados, todo o cole puido disfrutar desta xornada de lectura compartida que nos encanta a grandes e pequenos.

Coma sempre foi todo un éxito e o noso alumnado gozou moito de poder compartir un ratiño arredor dos libros xuntando alumnado dos diferentes edificios e niveis.