LECTURAS PARA O NADAL

Guía de Nadal

Publish at Calameo or read more publications.

Pulsando nesta imaxe atoparedes recursos para traballar sobre o Nadal.

O APALPADOR

Quen é o Apalpador?

O Apalpador representa a figura mítica dun Carboeiro que segundo a tradición baixaba das devesas a noite do 31 de decembro para tocar a barriga dos nenos e comprobar si comeran o suficiente durante o ano, deixándolles un montón de castañas, eventualmente algún regalo e desexándolles un novo ano cheo de felicidade e de alimentos.

É unha figura popular nas montañas ao leste de Galicia (O Courel, Terras de Trives, O Bierzo), que se mantivo no olvido baixo a influencia de personaxes doutras culturas. Hoxe en día está en proceso de recuperación.

Vaite logo, meu meniñ@                                          
marcha agora para a camiña 
Que vai vir o Apalpador    
a apalparche a barriguiña      

Xa chegou o día grande
día do noso Señor.
Xa chegou o día grande
e virá o Apalpador.

Mañá é dia de cachela,
que haberá gran nevarada
e há vir o Apalpador
cunha mega de castañas.

Por aquela cemba
xa ven relumbrando
o señor Apalpador
para darvos o aguinaldo

ADEUS A NELSON MANDELA

Nesta fin de semana deixounos NELSON MANDELA, o home do eterno sorriso.

Loitou contra a  pobreza, a desigualdade e o racismo  no que vivía a xente negra do seu país, Sudáfrica, durante o Apartheid, un réxime de segregación racial no que as persoas de cor non podían votar nin ocupar postos de traballo "propios de brancos", non podían relacionarse con eles nin tan sequera viaxar nos mesmos autobuses que eles.
Polo ben do seu país, foi quen de perdoar os inxustos anos que pasou na cadea e  de convencer a todos de que era posible unha convivencia pacífica que sentase as bases dun sistema democrático en Sudáfrica.
 Por iso, negros e brancos, brancos e negros choran unidos a morte de Mandela, o home máis respetado do planeta, MADIBA, como lle chamaban no seu país.

Agradecemos as imaxes e presentacións doutras bibliotecas, especialmente da Biblioteca Escolar Xoan Farias e da biblioteca BLOGUESQUÍO.

Podemos achegarnos máis a este personaxe o DIA DOS DEREITOS HUMANOS, o 10 de decembro ou mesmo o DÍA DA PAZ. 

Neste enlace atoparedes máis actividades e recursos para traballar nas aulas.

 EL PRESO 466/64 

MOCHILAS VIAXEIRAS

Por fin as mochilas viaxeiras comezaron a súa andaina. Este curso chegarán ás casas dos nenos e nenas de toda a Primaria. Desexamos que todas as familias disfruten do seu contido.

OUTONO E SAMAÍN

Coma en anos anteriores, premendo na imaxe podedes acceder a recursos para traballar o SAMAÍN.

     C.E.I.P. Víctor Sáenz   Páxina elaborada por:   Mª Asunción García Álvarez

24 de outubro: DIA DAS BIBLIOTECAS ESCOLARES

A Consellería de Cultura Educación e Ordenación Universitaria edita tódolos anos un cartel para conmemorar o Día da Biblioteca (24 de outubro) e participar da celebración do mes da biblioteca escolar.

O tema deste ano é “LER CIENCIA NA BIBLIOTECA ESCOLAR” que tratará de sensibilizar sobre a importancia da lectura de textos de carácter científico.

A ilustración é de PATRICIA CASTELAO.

Neste Blog atoparedes recursos para realizar experimentos.

http://primariaexperimentos.blogspot.com.es/

BENVIDOS E BENVIDAS

Remataron as vacacións e comeza un novo curso. Desde este recuncho, a tartaruga Carmiña e o Equipo de Biblioteca deséxavos moita sorte neste novo curso que empeza, o 2013-2014.

BÁGOA DE LÚA

¨Bágoa de lúa", un libro que acaba de saír ao mercado editado por Galaxia e escrito por unha antiga alumna do noso colexio, Sabela González.

Bágoa de lúa é o primeiro tomo dunha triloxía chamada "As crónicas de Landereina".

REVISTA "XORNAL NORDÉS"

LECTURAS PARA O VERÁN

LECTURAS VERÁN 2013

Publish at Calameo or read more publications.

DÍA DA ARTE NA ESCOLA

COÑECEMOS GALICIA

DÍA DA ARTE GALEGA NA ESCOLA

No noso centro para participar nesta actividade traballamos con pintores galegos: Isaac Díaz Pardo, Luis Seoane, Maruja Mallo, Maside e Laxeiro. Remataremos o traballo en días vindeiros e faremos unha pequena exposición.

Tamén elaboramos un pequeno proxecto e estamos a facer unha presentación destes artistas.

COÑECEMOS GALICIA

Este documento foi elaborado dentro do proxecto "COÑECEMOS GALICIA"

50 aniversario do noso colexio: o CEIP "VIRXE DO CARME"

 

AS ACTIVIDADES PROGRAMADAS PARA O 10 DE MAIO DE 2013 SON AS SEGUINTES:

• AS 11:30 HORAS: NO XARDÍN DO CENTRO ESCOLAR DESCUBRIMENTO DUN MONOLITO E PLACA CONMEMORATIVA, ACTO AO QUE ASISTIRÁN AUTORIDADES LOCAIS E PROVINCIAIS. 

•  De 12:00 a 14:00 HORAS: XOGOS E ACTIVIDADES LÚDICAS PARA OS/AS ALUMNOS/AS DO CENTRO. 

•  ÁS 19:30 HORAS, NA CASA DA CULTURA.

LETRAS GALEGAS 2013: ROBERTO VIDAL BOLAÑO

Máis recursos: recompilación de todos: Recompilación de recursos elaborada por Mª Asunción García Álvarez

Desde o CEIP Vilaxoán de Vilagarcía chégannos  este resumo das actividades creadas polo Seminario Galán para a celebración das Letras Galegas que, como sabedes, este ano está adicado a :  ROBERTO VIDAL BOLAÑO  

 Grazas por compartir o voso traballo.

ACTIVIDADES EN LIÑA
EDUCACIÓN INFANTIL	1º CICLO
Actividades sobre súa a biografía. Actividades sobre a súa obra	Actividades sobre a súa biografía. Actividades sobre a súa obra
2º CICLO	3º CICLO
Actividades sobre a súa biografía. Actividades sobre a súa obra	Actividades sobre a súa biografía. Actividades sobre a súa obra
DOCUMENTOS PARA IMPRIMIR
Biografía Díptico Roberto Vidal Bolaño Carteis Actividades sobre os carteis	Actividades Educación Infantil 1º Ciclo Primaria 2º Ciclo Primaria 3º Ciclo Primaria
TELEXORNAL VIDAL BOLAÑO Telexornal realizado polo EDLG do CPI Dos Dices no que se lle fai unha homenaxe a Roberto Vidal Bolaño. Máis actividades: CEIP ADR Castelao (Rianxo): Roberto Vidal bolaño. Actividades e recursos E tamén estes LIMs do CEIP Mallón, A Ramallosa (San Pedro) NIGRÁN :  LIM (Ed. infantil)  LIM (1º ciclo)  LIM (2º ciclo) LIM (3º ciclo) Presentación realizada por: CEIP Condesa de Fenosa (O Barco): Roberto Vidal Bolaño. Unha vida de teatro (Presentación Prezi) Outros vídeos: Este esta feito polos alumnos que reciben apoio de PT ou AL do CEIP de Pedrouzos-Brión http://www.edu.xunta.es/centros/ceipdepedrouzos/aulavirtual/mod/flashvideo/view.php?id=1393 CEIP Condesa de Fenosa (O Barco): Roberto Vidal Bolaño. Unha vida de teatro (Presentación Prezi)

DIA DO LIBRO

Estas son as actividades realizadas para a celebración do Día do Libro:

• As Mochilas Viaxeiras comezaron a súa andaina.
• Estivo con nós Xosé Miranda: os alumnos e alumnas de 3º estiveron na biblioteca disfrutando e escoitando  a este escritor.
• O alumnado de 4º de primaria asistiu ao Concello ao III Maratón  de lectura para recitar "Cantares galegos" de Rosalía de Castro.
• Reparto de marcapáxinas e lectura do poema de Paula Carballeira.
• "O MEU LIBRO FAVORITO É..." Cada aula elixiu o seu libro favorito, co cal traballou estes días e tamén se fixo unha lectura na biblioteca:

         En 3º A, "Álvaro e Álvaro" de Xosé Miranda; en 3º B, "Amigos del alma" de Elvira Lindo; en 4º A, "O aniversario de Ana" de Cocha Blanco ; en 4º B, "Diario de Greg"; en 5ºA, "Mi nombre es Skywaltker" de Agustín Fernández Paz; en 5º B, "O cocho de carreiras Rudi Fuciños" de Uwe Timm; en 6º A,"El libro de la selva" de Geronimo Stilton e en 6º B, "Matilda" de Roald Dhal.

Lectura na biblioteca

          

         
    

Lectura na biblioteca

Xosé Miranda co alumnado de 3º

Mochilas viaxeiras

23 DE ABRIL: DÍA DO LIBRO

Para a celebración desta data temos programadas varias actividades:

• Visita á nosa biblioteca de Xosé Miranda.
• Campaña: "O noso libro favorito é..."    que será votado en cada aula para facer un traballo sobre el, tamaño A 3 para colocar na porta.
• Maratón de lectura na Casa do Concello sobre Rosalía de Castro.
• Mochilas viaxeiras...

ANXO MOURE ESTIVO NO NOSO COLE

O mércores, día 10, visitou a nosa biblioteca Anxo Moure para contar, aos nenos e nenas do 1º Ciclo, o conto "O Carballo con botas" e para ensinarnos a mirar o mundo a través do corazón das árbores.

 

2 de abril: DÍA INTERNACIONAL DA LITERATURA INFANTIL E XUVENIL

O  2 de Abril conmemórase desde o ano 1967, o nacemento de Hans Christian Andersen. A IBBY declarou esa data Día Internacional do Libro Infantil, co fin de lembrar a importancia de ofrecer  bos libros a todas as nenas, a todos os nenos, libros de calidade que esperten a súa imaxinación e os axuden a medrar como lectores e como persoas.

SEMANA DA PRENSA

Do 11 ao 15 de marzo celébrase a Semana da prensa. Aquí hai varios enlaces que vos poden servir de axuda para realizar e completar as actividades que teñades programadas.

Neste enlace poderedes acceder ás actividades do CEIP "Mestres Goldar".

E neste enlace tedes un LIM moi intertesante do CEIP "Cespón"

http://bibliotecacespon.blogspot.com.es/2013/03/semana-da-prensa.html

Encontros do Plan de Mellora de Bibliotecas Escolares

Os días 7 e 8 de marzo reuníronse en Santiago de Compostela  os profesores coordinadores das Bibliotecas Escolares integradas no PLAMBE.

 Houbo varias ponencias nas que se destacou o papel das bibliotecas nos centros educativos, así como a función que realizan para compensar as desigualdades sociais e a misión que teñen  na alfabetización mediática e informacional.

24 de febreiro: DÍA DE ROSALÍA DE CASTRO

O día 24 de febreiro comemórase os 150 anos de  CANTARES GALEGOS de Rosalía de Castro. Para coñecer mellor a nosa escritora por excelencia, tedes aquí varios enlaces.

   
                                                        ROSALÍA DE CASTRO

Tamén podedes aproveitar estes recursos elaborados por outras bibliotecas escolares:

BLOGUESQUÍO

CEIP "NOSA SEÑORA DE XUVENCOS"

Open publication - Free publishing - More rosalia-2013

    Esta é a pegatina que nos chegou desde a biblioteca do CEIP de Pazos de Ferrol, un fermoso agasallo para recordar a Rosalía de Castro.

E CHEGOU O DESFILE DO ENTROIDO....

ENTROIDO 2013 - foto montaje

ENTROIDO 2013

NESTE  ENLACE PODEREDES ACCEDER A MOITAS ACTIVIDADES

                     

30 de xaneiro: DÍA DA PAZ

Hoxe celebramos o DÍA DA PAZ coas seguintes actividades:

Ás 12, no pavillón do colexio todo o alumnado de Primaria formou as letras de PAZ, de seguido cada nivel cantou a súa canción da PAZ. Posteriormente os nenos e nenas de sexto interpretaron unha obra de teatro, "As bombas e o xeneral"

O alumnado de E. Infantil, no seu patio, tamén cantou  collidos das mans e formando círculos concéntricos.

Durante esta semana traballouse nas aulas sobre o tema e se fixo unha recomendación de lecturas.

LECTURAS PARA A PAZ

Acabamos de coñecer este video que está moi ben para facernos reflexionar un pouquiño.

30 de xaneiro: DÍA DA PAZ E NON VIOLENCIA

O vindeiro día 30 celebramos o DÍA da PAZ. Por iso imos escoitando e vendo  este video.

Este ano imos cantar varias cancións relacionadas coa PAZ e esta é unha delas.